Hapu.me Gjakovën e Prishtinën dhe zhytu në lojë!
Të nderuar eksplorues të hapësirës publike,
HAPU po ndodh këtë vit për të njëmbëdhjetën herë! Përveç Prishtinës, po hapemi edhe në Gjakovë duke bashkëpunuar me Iniciativën e Fondacionit “Për Gjakovën”. Kemi shtrirë programin tonë më 1 dhe 2 gusht në Gjakovë, e nga 2 deri më 5 gusht në Prishtinë. Kështu po zhytemi në lojën e artistëve nga Franca, Gjermania e Portugalia të cilët me mjeshtërinë e tyre të jashtëzakonshme do të transformojnë hapësirat publike në hapësira artistike, të guximshme, kreative e shumë dimensionale.
Elementet e cirkut bashkëkohor, do të hapin këtë edicion të festivalit, përmes një performance magjepsëse të Juan Ignacio Tula. Duke manipuluar me rrethin e madh dhe rrotullimet e tij pafund, frymëzuar nga rrotullimi i dervishëve, do të na zhysin në një përvojë të veçantë. Performanca na fton në një rrugëtim të përjetimeve universale e personale dhe gjithçka që ekziston ndërmjet tyre.
Bashkë do të palosin origami, por jo të zakonshme. Figura origami gjigande, të madhësisë reale të Frank Bölter, bashkërisht do i palosim. Krijimet tona origami do t’i përcjellim e festojmë me njëri-tjetrin dhe në fund, do t’i transformojmë, ripërdorim e riciklojmë.
Do të zhytemi në lojën e artistëve francez nga Tac o Tac, në kërcimet e tyre në kingalat me pneumatikë, do t’i përcjellim e do të ri-përjetojmë rrugët e Gjakovës dhe Prishtinës, në një atmosferë të tjetërsuar, në një ri-zbulim të qiellit, të gatshëm për fluturim.
Loja e Mimo’s Dixie Band do të na sjellë tingujt e veçantë që do të na përfytyrojnë rrugët e vjetra të Nju Orlinsit. Do të na dhurojnë lojën e përbashkët me publikun, me elemente cirku e teatri si dhe me energjinë e tyre mahnitëse duke e sjellë publikun në qendrën e vëmendjes.
Jemi të lumtur që mund të organizojmë për ju një spektakël të veçantë në vendet e ndryshme të hapësirës së Prishtinës e Gjakovës, që të përjetojmë magjinë që artistët e sjellin duke na shndërruar hapësirat publike për ato çaste që do t’i kalojmë së bashku.
Hapuni, dilni dhe takoni artistët! Luani, përjetoni transformimin, bëhuni pjesë e këtij ri-zbulimi dhe dëshmitarë të mahnitjes. Ju presim!
Florent Mehmeti, Drejtor Artistik, HAPU – Festivali i Artit në Hapësirë Publike
Hapu, zbulo dhe rizbulo! Të nderuar zbulues dhe eksplorues, Është hera e dhjetë! Po hapemi, edhe një herë po e rizbulojmë Prishtinën. Në shumë pika anembanë qytetit, ju ftojmë të zbuloni ide kuptimplota dhe të guximshme, shqetësime si dh...
A je në tokë të bukës?!Të dashur miq e dashamirë të Tokës, ujit e ajrit,Pas një periudhe tejet të vështirë këtë vit po qesim hapat e ngadaltë duke u munduar të kthehemi e të vazhdojmë aty ku e lamë para Pandemisë botërore të vitit 2020 e...
HAPUDEMIA 2021Të dashur adhurues të artit në hapësirë publike,Edhe këtë vit si asnjëherë më parë HAPU – Festivali i Artit në Hapësirë Publike detyrimisht qëndroi mbyllur duke u zgjatur kjo kohë e pështirë edhe më shumë, përkundër s...
HAPUDEMIA 2020Të dashur miq të hapësirës publike, Këtë vit si asnjëherë më parë HAPU – Festivali i Artit në Hapësirë Publike ishte detyrimisht i mbyllur në pamundësi hapjeje me ju, me qytetin, me hapësirën publike e me artistë...
Hapu dhe Luaj!Të dashur miq e lojtarë,Këtë vit për herë të pestë po vendosim fushë-lojën: qytetin, hapësirën publike. Të luash nuk është aktivitet i kohës së lirë. Të luash është të mësosh e të përjetosh. Duke luajtur, ne e vëmë vetveten...
Të lëvizësh qytetin!Të nderuar miq,Edhe këtë vit po vendosim pikënisje të lëvizjeve tona në hapësirat publike të qytetit të Prishtinës. Po vazhdojmë eksplorimin tonë të pashterur në kërkim të pikave që provokojnë nisjen në lëvizjen tonë ...
Gjurmë të veçanta artistike po vendosen në qytet.Të nderuar miq,Po vazhdojmë kërkimin tonë të pafund për të rizbuluar hapësirën publike, pikëtakimin tonë. Po e rimendojmë atë çka ajo përfaqëson për vendasit, për ata që banojnë mu aty? Çk...
Sërish po hapim portat artistike të hapësirës publike në Prishtinë. Prej 20-23 korrik ju mirëpresim me punë artistike që kanë për bazë bashkëpjesëmarrjen tuaj. Këtë vit tema e pjesëmarrjes së publikut dhe bashkë-krijimit ka qenë fokusi i...
HAPU si Festival po hapet këtë vit. Si iniciativë dhe ide është tashmë 6 vjet e vjetër, atëherë kur Teatri ODA hyri në partneritet me 17 organizata tjera të shteteve anëtare të Bashkimit Evropian në kuadër të rrjetit IN SITU. Tash e 6 vi...
