Jemi të lumtur të ju njoftojmë se shfaqja më e re nga Teatri ODA “Nemesis”, me regji të Florent Mehmetit do të ketë premierën me 03 mars, 2026, dhe reprizat më 04 dhe 07 mars në Amfiteatrin e Teatrit Kombëtar të Kosovës, në Pallatin e Rinisë.
Shkruar nga: Lirak Çelaj, Florent Mehmeti
Luajnë: Labinot Raci, Blend Sadiku, Fiona Abdullahu, Era Balaj, Art Pasha
Asistente regjie: Ardiana Mehmeti
Skenografia: Enes Sahiti
Muzika: Lis Boshtrakaj
Videografia: Gëzim Hasani
Koordinatore e produksionit: Renea Begolli
Asistente të produksionit: Sabi Paqarizi, Delvina Bytyqi
Ndriçimi: Mursel Bekteshi, Bujar Bekteshi
Fotografitë dhe dizajni: Zana Begolli
Produksion i Teatrit ODA
“Nemesis” është një shfaqje teatrore që trajton artistikisht rrugëtimet dhe fatet e pushtetit dhe forcës si parakushte por edhe katalizatorë të degradimeve të personalitetit. Shfaqja ndërthur referencat historike të njerëzimit, siç janë përshkruar nga Herodoti, duke i mbështetur ato me referenca shkencore të neurokimisë, të ngurtësimit e sforcimit të sjelljes dhe mendjes njerëzore, por edhe me ndryshimet funksionale në trurin e njeriut. Perspektivat njerëzore dhe historike, tipologjitë e shtrira në kohë, hapësirë e histori, sikur edhe fuqitë e pasurive, e bizneseve, forcat e trashëgimisë e të së vërtetës selektive, janë partitura të perandorive, mbretërive e liderëve që ndërtojnë harkun e trajektores artistike të “Nemesis”.
