Përvojë teatrore e veçantë e gëzimit dhe hidhërimit që ndodh mes mureve të padukshme. Një pasaportë ju lëshohet për të pasur qasje në këtë udhëtim të krijuar nga jeta e vërtetë e Kosovës.
“Muret e padukshme” është në rrëfim i veçantë i njerëzve të ngujuar, në izolim, të rrethuar me mure të padukshme. Rrëfimet e treguara nga kohët e luftës në Kosovë janë pjesë e përvojës jetësore të aktorëve dhe miqve e familjeve të tyre. Publikut i jepet një pasaportë që i shpie ata në një udhëtim prekës dhe intim ku zbulohet izolimi dhe shtypja fizike e psikologjike, pamundësia për të shijuar të drejta bazike njerëzore si dhe gëzime të lirive të vogla. Një produksion vërtetë ndërkombëtar i përkrahur nga rrjeti IN SITU “Muret e padukshme” është zhvilluar nga Teatri ODA në bashkëpunim me artistë nga Mbretëria e Bashkuar, Franca e Austria. Është dhënë me shumë sukses premierë në Festivalin Oerol në Holandë dhe ka performuar 28 herë gjatë festivalit.
“Muret e padukshme” gjithashtu është shfaqur në Festivalin e Edinburgut në kuadër të programit të Summerhall, që është ndër vendet më prestigjioze të Festivalit të Edinburgut. Në shenjë respekti dhe solidarizimi me shfaqjen dhe Teatrin ODA, Summerhall kanë ngritur flamurin e Kosovës dhe atë kombëtar mbi ndërtesën e tyre, gjë e cila nuk është ndonjë traditë apo zakon por është bërë enkas pas përjetimit të shfaqjes nga drejtori dhe pronari, z. Robert McDowel. Flamujt kanë vazhduar të valojnë gjatë gjithë muajit të festivalit të Edinburgut.
[R] Për të siguruar vendin tuaj ju duhet të merrni biletën (Falas) në Teatrin ODA. “Muret e padukshme” jepet në dy termine:
E mërkurë, 9 shtator ora 17:00, dhe
E mërkurë, 9 shtator ora 18:00.
Hapësira te Biblioteka Kombëtare e Kosovës
Producentë: Florent Mehmeti, Lirak Çelaj, Teatri ODA, Prishtinë
Producent ndërkombëtar: Neil Butler, UZ Arts, Glasgow, Britani e Madhe
Regjisor: Florent Mehmeti, Kosovë
Bashkëregjisor: Jon Beedell, Britania e Madhe
Artistë vizuel dhe instalacioni: Henry Jesionka, Austri / Kanada dhe Veton Gusia, Kosovë
Koreograf: Ali Salmi, Francë
Muzika: Armend Xhaferi, Kosovë
Aktorë: Eshref Durmishi, Kushtrim Qerimi, Liridona Shehu, Semira Latifi dhe Gani Rrahmani
www.teatrioda.com
Rezervoni vendin tuaj duke na kontaktuar në Facebook dhe Instagram / Duke shkruar në 038/49 246 555 ose thirni 038/49 246 555