ODË E JETËS Donika Rudi (KOSOVË)

Kthehu mbrapa

Rreth Ngjarjes

Mjedisi që na rrethon ka ndikim në jetët tona shumë kohë para se ne ta zhvillojmë ndjenjën për vetën, madje edhe para ditës kur shohim për herë të parë. Rritemi nga kjo botë ashtu siç molla rritet në pemë, në një prej rrugëtimeve më të ndërlikuara, më magjike e më intriguese të jetës sonë. Pejsazhi tingullor i mjedisit tonë ushtron ndikim tek ne madje edhe kur jemi në bark gjatë rrugëtimit tonë. Odë e Jetës eksploron rrugëtimin përmes njërës prej shqisave të para të cilën e zhvillon fetuesi – shqisën e të dëgjuarit dhe të ndjenjës fizike. Duke filluar nga vibrimet e tingujve të mjedisit e deri te njohja e zërave, kalohet nëpër nëntë faza të pejazhit tingullor: dashuria, unë, gjuha, identiteti kulturor, peisazhi arkitektonik, hapësirat e hapura, shpirti i ‘qytetit’, vetvetja, ardhja – jemi këtu.

Këndvështrim nga brendësia e barkut të nënës. Konstruksion në një hapësirë të hapur. Përmes një projeksioni tingullor në oktofoni, e brendshmja ndikon të jashtmen.

https://www.youtube.com/noisecenter

Odë e Jetës ka marrë mbështetjen për krijim nga platforma IN SITU, në kuadër të projektit ACT, të bashkëfinancuar nga Programi Creative Europe i Bashkimit Evropian.