Që nga 2018, artistët britanez Gemma Paintin & James Stenhouse (të cilët punojnë së bashku nën emrin Action Hero) kanë udhëtuar nëpër Evropë në kamp shtëpizën e tyre, duke ju kërkuar të panjohurve që t’ju këndojnë një këngë dashurie. Duke kaluar kështu më shumë se 300 ditë e net në rrugë, ata kanë mbledhur mbi 1000 këngë dashurie në 47 gjuhë të ndryshme.
Këtë muaj, ata do të duhej të udhëtonin në Prishtinë me kamp-shtëpizën e tyre që të regjistrojnë zërat e Kosovarëve që i këndojnë dashurisë. Meqenëse udhëtimi nuk ishte i mundur, Action Hero janë duke bashkëpunuar në distancë me Teatrin ODA dhe artisten Daniela Markaj për të regjistruar Kosovarët duke i kënduar dashurisë, madje edhe në këto kohë të vështira. Për një ditë të vetme këto këngë, të regjistruara gjatë pandemisë, do të lëshohen në rrugët e Prishtinës: dëgjoni zërin e mikut, komshiut apo dashnorit a dashnores! Nëse dëshiron që zëri yt t’i shtohet koleksionit, na kontakto.
OH Europa prezantohet falë programit të mobilitetit të platformës IN SITU në kuadër të projektit ACT, me bashkëfinancim të Programit “Creative Europe” të Bashkimit Evropian.
Si dhe me mbështetjen bujare të Ambasadës së Francës në Kosovë
Festivali i Artit në Hapësirë Publike HAPU, një festival që organizohet nga Teatri ODA, është konceptuar këtë vit si një HAPUDEMI e cila do të zhvillohet në pjesën e mbetur të vitit 2020 përmes intervenimeve të shumëta artistike, e të cilat ftojnë publikun dhe artistët në një proces të hapjes të takohen në mënyrat e mundshme që lejojnë rrethanat në hapësirën publike dhe në hapësirën publike digjitale, përkatësisht internetin dhe mjetet e teknologjisë informative.
Ju ftojmë të na përcjellni në webfaqen tonë dhe rrjetet tona sociale për të kuptuar më shumë për hapjet që do të ndodhin një pas një, të shtrira në kohë e hapësira të ndryshme, fizike e digjitale.
Book your seat by contacting us on Facebook and Instagram / By writing at 038/49 246 555 or calling 038/49 246 555
-
-
-
-
