Ngjarjet në ODA

"Bolero"

"Bolero" - Premierë në Nottingham 31 maj 2014.

Përfundoi faza intensive e përfundimit të shfaqjes "Bolero", një bashkëprodhim i Teatrit ODA me Nottingham Playhouse nga Mbretëria e Bashkuar dhe teatrit SARTR (Sarajevo Ratni Teatar) nga Bosnja e Hercegovina.

Prej 12 maj 2014 filluan provat intensive të shfaqjes "Bolero" e cila u dha premierë në Nottingham Playhouse më 31 maj 2014.

Florent Mehmeti nga Teatri ODA në cilësinë e dramaturgut dhe bashkëregjisorit ishe së bashku me ekipin e shfaqjes, 3 aktorë nga Sarajeva, 2 aktorë nga Notinghami dhe 1 aktore nga Berlini dhe me regjisorin Michael Pinchberk gjatë këtyre tre javëve në Noittingham.

"Bolero" pas premieres në Nottingham u shfaq edhe në Sarajevë, më 28 dhe 29 qershor 2014 gjatë shënimit të 100 vjetorit të Atentatit të Sarajevës, gjegjësisht fillimit të Luftës së Parë Botërore, përderisa po shqyrtohen mundësitë e shfaqjes në Prishtinë gjatë muajit shtator të këtij viti dhe shfaqje tjera të mundshme në rajon.

http://vimeo.com/65252713

_____

Bolero

Michael Pinchbeck

Një vrasës e ngre revolen e tij.

Një dirigjent ngre shkopin e tij.

Një pjesë muzikore që zgjatë 17 minuta ka filluar.

Më 1928, Maurice Ravel shkroi Boleron në Paris. Më 1984, Jayne Torvill dhe Christopher Dean vallëzuan me këtë muzikë në Lojërat Olimpike Dimërore në Sarajevë. Tetë vite më vonë stadiumi ku ata e fituan medaljen e artë u bombardua gjatë rrethimit të qytetit. Ulëset u kthyen në arkivole. Akulli i patinazhit u kthye në akull të morgut. Trëndafilat mbi akull u zëvendësuan me trëndafilat mbi varret e luftës.

Duke punuar me muzikën si urë mes këtyre dy ngjarjeve, shkrimtari dhe artisti teatror nga Notingemi, Michael Pinchbeck ndërmori një udhëtim nga Parisi në Sarajevë, nga viti 1914 në vitin 1994, nga Lufta e Parë Botërore në Luftën e Bosnjës. Gjashtë performues nga Britania e Madhe, Bosnja e Hercergovina dhe Gjermania thurin bashkë një biografi të Boleros.

Kjo performancë e jashtëzakonshme tri-gjuhësore ndjek rrugëtimin e plumbit që e nisi Luftën e Parë Botërore dhe i gjen trajektoret e tij në ritmin e muzikës e cila e definoi vallëzimin më të famshëm në akull të Lojërave Olimpike të të gjitha kohërave

E përkrahur nga Lotaria Kombëtare përmes Këshillit të Arteve në Angli dhe Këshillit Britanik, Bolero është një bashkë-prodhim mes Nottingham Playhouse, Teatrit ODA (Prishtinë) dhe Teatrit të Luftës në Sarajevë (SARTR). Projekti është zhvilluar në Dance4, në Qendrën Kombëtare të Akullit dhe “Primary” me ndihmë financiare dhe mbështetje nga Universiteti Loughborough dhe Universiteti i Linkolnit. Bolero filloi si pjesë e “Making Tracks”.

'Michael Pinchbeck është një artist i shkëlqyer teatri' – The Guardian

www.michaelpinchbeck.co.uk

www.makingbolero.wordpress.com

""

Këtë javë në ODA

E hëne

E martë

E mërkurë

E enjte

E premte

E shtunë

E diel

Ngjarjet e Ardhshme

01.04.2024

E hëne

02.04.2024

E martë

03.04.2024

E mërkurë

04.04.2024

E enjte

05.04.2024

E premte

06.04.2024

E shtunë

07.04.2024

E diel

ODA përkrahet nga